ஸ்துதிகள்

ஸ்துதிகள்

ஸ்துதிகள் இறைவனைப் புகழும் பாடல்களாகும்.இறைவனின் பலவிதத் தெய்வீக அம்சங்களை வர்ணித்து அவரைப் புகழ்கினறன.

இறைவனின் மென்மையையும்,புகழையும் என்றும் தியானித்திருப்பின் ஒருவர் தெய்வீகக் களிப்பில் அவன் மகிழ்திருப்பான்.தெய்வீகப் பேரானந்தத்தை அடைவான்.

ஓம்கார ஸ்லோகம்:-

”ஓம்காரம்  பிந்து   ஸம்யுக்தம்

நித்யம்    த்யாந்தி  யோகின:

காமதம்  மோஷதம்  சைவ

ஓம்காராய  நமோ  நம:”

பதவுரை:

ஓம்காரம் – ஓம்காரத்தை,பிரணவத்தை

பிந்து ஸம்யுக்தம் – பிந்துவுடன் கூடியதை

யோகின – யோகிகள்

நித்யம் – தினந்தோறும் (அல்லது) எப்போதும்

த்யாந்தி – தியானிக்கிறார்கள்

தா – கொடுத்தல்

காம – ஆசைகள்,விருப்பங்கள்

காமதம் – ஆசைகள்,விருபங்கள் இவற்றை நல்கும்

மோஷதம் + ச + ஏவ = மோஷதம்சைவ மோஷதம் + ச + ஏவ + தம் = வீடுபேற்றையும் உறுதியாக நல்கும்

ஓம்காராய – ஓம்காரத்திற்கு

நம: + நம: = நமோ நம: நம – வணக்கம்

பொழிப்புரை:

பிந்துவுடன் கூடிய ஓம்காரத்தை யோகிகள் எப்போதும் தியானிக்கிறார்கள்.ஆசைகள்;விருப்பங்கள் – இவற்றை நல்குவதும்;வீடுபேற்றை உறுதியாக அளிப்பதும் ஆகிய

(அந்த) ஓம்காரத்திற்கு வணக்கம்.

[ ஓம் என்பது இறைவனின் ஒலிக் குறி. ஜீவாத்மாவைக் குறிக்கும்.பிந்துவானது அருவமாகிய ஓம் என்னும் ஒலிக்குறி

காட்டும் பரமாத்மாவோடு இணைகிறது.இந்த நிரந்தரமான இணைப்புறவைத்தான் யோகியர் தியானஞ் செய்கிறார்கள்.]

சுபதினம்.... அன்பு நல்வாழ்த்துக்கள்…

வாழ்க நலமுடன் வாழ்க வளத்துடன்